IKUSKIZUNAK
SINOPSIA
Goizean goizik, herritarrak esnatu berri direla, herriko dendariak ere plazan dira. Pontx ikusleekin plazan elkartuko da bere lagun baten dendan laguntza eskaintzeko. Saltzaileak Pontxi dendaz arduratzeko kargua emango dio, ondoko herrian erosketa batzuk egin behar baititu. Pontx saltzaile lanetan nola moldatuko ote da? Pailazoak, ikusleen laguntzarekin dendaz arduratu beharko du. Bisita ere jasoko dute, herriko alkatea etorriko baita plazara denda itxi nahian. Pontxek eta lagunek ahaleginak eta bi egin beharko dituzte auzapezak herri txikiko denda itxi ez dezan. Lortuko ote dute herriko giro alaiak eta herriko denda txikiek
biziarautea?
Iraupena: 60 minutu
Hizkuntza: Euskara
Generoa: Familia antzerkia
Aktoreak: Joanes Echeveste (Pontx), Alazne Etxeberria (Lili/Alkatea).
Musika: Iñaki Mujika / Horkonpontx elkartea.
Jantziak: Miren Mujika
Gidoia eta zuzendaritza: Horkonpontx Elkartea.
DENAK PLAZARA- Laburpen Bideoa
SAIO TXIKIA
SINOPSIA
Pontx pailazo bihurri, kurioso eta ironikoa da. Bere bizitasunak alde batetik bestera mugiarazten dute eta edozein egoeratan murgiltzen da. Lagunekin elkartu eta ongi pasatzea baino gauza hobeagorik ba al dago? Pontx bisitan etorriko da lagunengana. Sudur gorriarekin ez dira musika, kantua, umorea, magia eta bihurrikeriak inoiz falta. Ikuskizun parte hartzaile horretan ikusleek Pontxekin momentu atsegin bat gozatzeko aukera izango dute. Nahi duena etor dadila eta besteak Horkonpontx!
Iraupena: 45 minutu
Hizkuntza: Euskara
Generoa: Familia antzerkia
Aktoreak: Joanes Echeveste (Pontx)
Musika: Iñaki Mujika / Horkonpontx elkartea.
Jantziak: Miren Mujika
Gidoia eta zuzendaritza: Horkonpontx Elkartea.
BISITA GIDATUA
SINOPSIA
Sarako lezeak bisitatzeko asmoz elkartu gara gaurkoan! Ordea, gidaria ez da etorri eta ondorioz ezin lezera sartu... Edo hala izango litzake Pontx ez balitz inguruan ibiliko. Bisitariek Pontx pailazoarekin Sarako lezean murgiltzeko aukera izango dute. Gidari sudurgorriak bertako bitxikeriak eta misterioak deskubriaraziko dizkie hurbildu direnei. Lehen gizakien bizimodua, lezearen osaketa, bertako bizidunak eta baita mitologiaren aipamena ere. Bisita ibiltari honetan umorez eta modu ludikoan Sarako lezea eta bere bihotza deskubritzeko aukera huts egingo duzue?
Kokagunea: Sarako Lezea
Iraupena: ordubete
Hizkuntza: Euskara
Generoa: Familia antzerkia ibiltaria
Aktoreak: Joanes Echeveste (Pontx)
Musika: Iñaki Mujika / Horkonpontx elkartea.
Jantzia: Miren Mujika
Atrezzoa: Horkonpontx elkartea
Gidoia eta zuzendaritza: Horkonpontx Elkartea.
Sustengua: Euskal Hirigune Elkargoa, Sarako Herriko Etxea, Sarako Lezeak
OHARRA: Bisita Gidatuak urtean zehar puntualki eskainiak izango dira norbanakakoentzat.
SARAKO LEZEA - BIDEOKLIPA
Egindakoak
Saio hauek jada ez dira eskaintzen
GELARA - 2023
Klaseko txirrinak jo du eta eskolara berandu iritsi da Pontx. Lagunekin elkartu eta egunari aurre egiteko prest dagoela, irakaslea ez da egertu; gaixotu egin da. Pontxek iraskale kargua hartuko du eta ikaskideekin egun osorako lana betetzea izango du helburu. Matematikak, jolasa, zientziak, musika, eta irriarekin batera,ikasteko momentu ideala partekatuko dute ikasgelako lagunek. Umorea, magia, kantua, irria eta sorpresakbatzen dituen ikuskizuna da.
BESTAZ BESTA - 2022
Pontx pailazoa festetara iritsi da, herria alaitzeko asmoz. Bertakoekin ongi pasatzeko gogoz, musika, irria, dantza eta jolasekin ibiliko da pailazoa bestaz besta. Eguraldiak giroa berotzen ez badu ere, Pontxek besta giro beroa eskainiko du bestazaleei. Ikuskizun honi esker leku ezberdinak festa giroan sartzeko aukera izango dute. Euskarazko ikusgarri dinamiko eta parte hartzailea da, haurrei eta familia osoari eskainia. Ongi pasatzeko aukera galduko duzu?
ETXEKO ALTXORRA- 2021
Ongi ireki begiak, Aitatxik behar duen giltzaren bila joanen baita Pontx zuen laguntzarekin.
Xelauru (ganbara) ilun, zikin, eta zahar batean murgilduko da pailazoa. Familia eta arbasoen oroitzapen, oihtura eta tresna zaharren artean. Misterio eta sorpresaz beteriko lekuan lagun bereziak topatuko ditu, ea laguntzerik duten giltzaren topatzeko … Baina, giltzak zer idekiko dio Pontxi ?
Ea Pontxekin batera zuen etxeko altxorra deskubritzen duzuen